E reke ana meetera Kiribati ae ‘Ana Kamoamoa Kiribati’ nakon Gertrude (Gertie) Reiher, 12 July 2022
E kakatia man tokabeti nanon te Judiciary ke te Aobiti ni Kabowi iaon Kiribati ni moa mai irouia Taan Moti ni Boowi aika Ririeta, Chief Registrar, HODs, Taani moti n te Bowi n Tia Moti ao ana taani mwakuri ni kabane ni katekeraoa temanna ana tia mwakuri ae e rangi ni kinaki n aron rianakon ma tamaroan ana mwakuri ao teimatoan marurungina ni mwakuri n te Tabo ni Kabowi ae Nei Gertrude Reiher (Gertie). Nei Gertie Reiher bon kain te abamwakoro ae Abaiang mai irouia ana karo aika Willie Reiher ao tinana ae Ruta Reiher.
N te 12 July 2022 ao e kakatia te Judiciary ao ni kamoamoa Gertie Reiher n rekena irouna teuana ana kabanea n rietata ni meetera Kiribati (Kiribati National Award Medal) ae Ana Kamoamoa Kiribati (AKK) mai iroun te Beretitenti ae e rine n ara tautaeka ae Taaneti Maamau.
Nei Gertie Reiher e moana ana mwakuri nte Judiciary (Aobiti ni Kabowi) n te ririki 1991 bwa ana tia koroboki ke te Executive Secretary nakon te Chief Justice (Tia Moti ae e Rietata) iaon Kiribati. E rangi n rianako kinakin Nei Gertie Reiher n rabakauna n short hand, te taibi, customer service, anuana, ana kakaonimaki ao a bati riki. Man tamaroan ao rianakon ana mwakuri Nei Gertie Reiher ao e oti bwa bannana ni mwakuri aio e reke bwa teuana te katoto nakoia taan mwakuri ike a kona iai n taraiia ibukin naba karaoan te kabanea n tamaroa inanon aia tai ni mwakuri. E rangi ni kamoamoaki naba tamaroan ana mwakuri Gertie Reiher aio irouia Justices n te Court of Appeal (Bowi ni Manga Tang) ao irouia Chief Justices n te Bowi ae e Rietata (High Court) ni kabotauaki ma Executive Secretaries iaon Australia ao New Zealand n rabakauna ni koro miniti ao n taibini motin te Bowi (Judgments) aika a nang itiaki mani matata raoi.
Ai 31 ana ririki ngkai Nei Gertie Reiher ni mwakuri n te Judiciary ao ai 70 ana ririki ngkai ni
maeu ao eatia n riki bwa te Executive Secretary ngaia irouia Chief Justices aikai;
1. Faqir Muhammad 1991-1995
2. Stan Cory 1995
3. Richard Lussick 1995 - 2000
4. Robbin Millhouse 2000 - 2011
5. John Muria 2011 - 2020
6. William Hastings 2021 –
N te bong aio ae 15 July 2022, ao e karaoa ana katekeraoi te Judiciary iaon S/Tarawa nakon Nei Gertie Reiher ibukin rianakon ao tamaroan ana mwakuri are ea karabwaaki naba iai ibukin katean ana mwakuri ma anuana bwa te banna ni katoto nakoia taan mwakuri n te Judiciary ni kabuta aon Kiribati.
---------------------------------------------------------------------------------------------------------------
